Cairo Film Club | نادي القاهرة للأفلام
بدأت الموقع بسبب شغفى بصناعة الأفلام، بقرأ كتير جدا فى مواقع اجنبية عن صناعة الافلام و بشوف فيديوهات و دروس كتير، شكلت عندى الى حد ما خلفية قوية عن الموضوع، ولاحظت ان المحتوى العربي على الانترنت فى المجال ده ضعيف جدا، يكاد يكون معدوم على الرغم من اننا عندنا كوادر ناجحة جدا كصناع سنيما شباب مستقلين.
قررت انى ابدأ فى سبتمبر 2016 على أمل إنى أنقل معرفتي البسيطة في محتوى عربي لكل الى حابب يعرف أكتر و يخوض المجال.
فى مواضيع هتبقى مترجمة -هيتم ذكر المصدر فى كل موضوع مترجم- و مواضيع هكون كتباها من نفسي، المهم ان يكون عندنا محتوى قوي، مش كلام إنشائي.
هيبقى فى دروس و ورشات عمل و مقابلات و نصائح، كمان هيتم تجديد الموقع بمواعيد المهرجانات و المسابقات محليا و دوليا.
بتمنى اننا -كصناع أفلام مستقلين فى الوطن العربي- نتواصل و نلاقي بعض هنا و نعمل انتاج مفيد و غني.